Amezti Arroa Goikotik (zirkularra)
| ALTUERA | 429 m |
| LUZERA | 6 km |
| DESNIBELA | 410 m |
| IRAUPENA | Ordu bat eta 15 minutu |
| EZAUGARRIAK | Ibilbide ZIRKULARRA. Motza eta desnibel handirik gabekoa. Bidea ez dago seinalizatuta. Ikuspegi ederrak daude. Hasierako puntutik aurrez aurre ikus daiteke Ameztiko gailurra. |
| KOORDENATUAK | (WGS 84) 43º 14’ 43,34’’I, 2º 16’ 18,38’’M |
Hasiera: Arroa Goikoko frontoi albotik hasi daiteke ibilbide zirkular hau. Frontoira begira jarriz gero ezkerrera geratzen den porlanezko bidean behera abiatu behar da zelai ederren tartetik Igarategi baserria eta errekatxo bat gurutzatu arte. Puntu honetan metro gutxi batzuk igo eta hainbat aukera eskaintzen dituen bidegurutze bat dago.
1.puntua: Igarategi baserri alboko bidegurutzea. Bidegurutze honetan hainbat aukera daude baina goazen norabidean ezkerretara geratzen denetik jarraitu behar da . baserri bat eta biltegi moduko beste eraikuntza handi baten tartetik. Pixkat aurrera joan orduko bidea lurrezko bihurtzen da eta aldapa nabarmen handitzen da.
2.puntua: Bidegurutzea. Puntu honetan ezkerretik jarraitu behar da, hau da bide nagusitik. Segituan ateza metaliko batekin topo egingo dugu. Hau gurutzatu eta aurrera jarraitu behar da.
3.puntua: Txabola eta bidegurutzea. Ateza metalikoa gurutzatu eta berehala dagoen zabalgunean txabola bat dago bidearen eskubitara eta metro gutxi batzuk aurrerago beste bi ateza elkarren ondoan. Eskuineko ateza gurutzatu eta pinutegian gora doan bidetik jarraitu behar da. Ibilbideak pare bat bihurgune handi egiten ditu pinudiaren ertzetik.
4.puntua: Metalezko ateza. Pinutegi ertzetik ibili ostean bideak zabalgune batera garamatza eta hor beste pare bat ateza metaliko daude. Hauek gurutzatu eta zuzen goruntz jarraitu behar da zuzen Bisusbide baserriraino.
5.puntua: Errepidera irteera eta bidegurutzea. Mendi bidea utzi eta errepidetik jarraitzen du bideak. Puntu honetan ezkerrera jo behar da (zuzen beheruntz abiatuta Zestoako herrigunera eta eskuineko bidetik Endoia auzogunera joan daiteke).
6.puntua:Bidegurutzea. Ezkerreko bide nagusitik jarraitu behar da lehenengo Ameztiko gailurra iparraldetik inguratu eta ondoren bere ekialdetik igotzeko.
7.puntua: Antena alboko egurrezko pasabidea. Urrunetik ikusten diren antenen albora iritsitakoan eskuinean dagoen egurrezko pasabidea zeharkatu eta zuzen abiatu behar da goruntz.
8.puntua: Gailurra. Behin gailurreko ikuspegi bikainak disfrutatu ondoren ibilbide arekin jarraitzeko beheko egurrezko pasabidera jeitsi behar da berriro ere.
9.puntua: Antena alboko metalezko ateza. Ibilbide zirkularra egiteko antenen alboan egurrezko atezari aurrez aurre dagoen metalezko ateza zeharkatu eta beheruntz abiatu behar da argi eta garbi ikusten den bide bat jarraituz.
10.puntua: Eroritako txabola. Galbiderik ez duen bidean behera egitean eroritako txabola zahar bat ikus daiteke ezkerretara. Txabola zeharkatu eta berehala ateza bat dago.
11.puntua: Ateza eta bidegurutzea. Ateza gurutzatu eta ezkerretara jo behar da (nahiz eta zuhaitzetan x batzuekin ezetz jartzen duen. Ateza zeharkatu ostean ezkerretara metro gutxi (5 edo 10 baino gutxiago) egin ondoren eskuinetara beheruntz dijoan bidezidor estu batetik jeitsi behar da. Tarte txiki batean nahiko zuzen jeitsi ondoren berriro bide zabalago batekin elkartzen da bidea.
12.puntua: Pista zabalera irteera. Bidezidorra eta zabalagoak bat egiten duten puntua. Hemendik aurrera bide zabal hori jarraitu behar da Arroako lehenengo baserrira iritsi arte.
13.puntua: Basotik irteera eta Arroa Goikora sarrera.
