Xoxote Etxe Alaitik (Azpeitia)
| ALTUERA | 912 m |
| LUZERA | 4,3 km |
| DESNIBELA | 781 m |
| IRAUPENA | Ordu 1 eta 15 minutu |
| EZAUGARRIAK | IGOERA. Ibilbide aldapatsua eta ederra |
| KOORDENATUAK | WGS 84 43º 11’ 59,55’’I, 2º 17’ 12,17’’M |
Hasiera: Ibilbidea Azpeitiako Etxe Alai auzoan dagoen Iraurgi ikastetxearen albotik hasten da. Ibilbidearen lehenengo zatia asfaltaturiko baserri bide batetatik egin behar da. Hasiera hasieratik nahiko aldapa du bideak.
1go puntua: Abiatu orduko bidegurutze bat dago, honetan eskuinetara jo behar da (ezkerretik ere joan daiteke baina zertxobait luzeagoa da).
2.puntua: Komuntzo baserriko bihurgunea. Puntu honetan ezkerretara jo behar da.
3.puntua: Bidegurutzea. Puntu honetan zuzen goruntz jarraitu behar da. Ezkerretara Takolo azpeitiar mendizalearen omenezko estatua bat dago eta eskuinetara hainbat informazio panel.
4.puntua: Bidegurutzea. Ezkerretara jo behar da, Urreta baserrirako norabidea hartuz.
5.puntua: Bidegurutzea. Behin Urreta baserri parean ezkerretara geratzen den porlanezko bide estu eta aldapatsuan gora abiatu behar da.
Segituan bideak asfaltatua edo porlanezkoa izateari utzi eta lur eta harrizko bide polit batetan bihurtzen da. Honek hainbat “Z” egiten ditu aldapa esanguratsuarekin eta apenas zuhaitzik gabe inguruan, horregatik bertatik ikuspegi ederra zabaltzen da non besteak beste Azpeitia eta Azkoitia herriak ikus daitezkeen.
6.puntua: Egiondoko txabola edo borda. Askorentzat Nahargun izenaz ezaguna. Puntu honetan Xoxoteko gailurreraino doan aristan sartu daiteke edota pagadi ederra gurutzatuz Azketako iturritik joan daiteke.
7.puntua: Azketako iturria. Puntu honetatik zuzen jarraitu behar da , basoa ezkerretara geratzen da eta tarte txiki bat igota berehala iritsiko gara Xoxoteko elurzulora.
8.puntua: Xoxoteko elurzuloa. Behin puntu honetara iritsita oso nabarmena den bidezidorretik jarraitu behar da eta pixkat gorago dagoen zabalgunera iritsiko gara. Hemen eskuinera begiratuz gero Xoxoteko aterpetxea izango dugu, gailurrera igotzeko zuzen igo behar da eta gailurrean gurutze bat eta harrizko etxola bat topatuko ditugu. (San Inazioren estatua pixkat beherexeago ikus daiteke).
Gailurra:
